बीसीसीआयने (BCCI)आयर्लंड दौऱ्यासाठी (India Vs Ireland) टीम इंडियाची घोषणा केली आहे. हे सामने 26 जूनपासून सुरू होणार आहेत. यात आयर्लंडविरुद्ध दोन सामन्यांची टी-20 मालिका खेळली जाणार आहे.

भारतीय क्रिकेट नियामक मंडळाने (BCCI) 17 सदस्यीय संघाची घोषणा केली आहे. अखिल भारतीय निवड समितीने या संघाची निवड केली आहे. नियमित कर्णधार रोहित शर्मा, उपकर्णधार केएल राहुल आणि स्थायी कर्णधार ऋषभ पंत यांच्या अनुपस्थितीत हार्दिक पांड्याकडे संघाचे कर्णधारपद सोपवण्यात आले आहे.

आयर्लंड दौऱ्यासाठी निवडण्यात आलेल्या उर्वरित संघाचीही तीच नावे आहेत, जी सध्याच्या टी20 मालिकेत दक्षिण आफ्रिकेविरुद्ध खेळत आहेत. मात्र, ऋषभ पंत आणि श्रेयस अय्यर यांचा यामध्ये समावेश करण्यात आलेला नाही, कारण ते इंग्लंडविरुद्धच्या कसोटी सामन्याचा भाग असणार आहेत.

अशा परिस्थितीत संजू सॅमसन आणि राहुल त्रिपाठी यांची निवड करण्यात आली आहे. याशिवाय, आयपीएल 2022 दरम्यान दुखापतग्रस्त मधल्या फळीतील फलंदाज सूर्यकुमार यादवचे पुनरागमन झाले आहे.

हार्दिक पांड्याकडे कर्णधारपदाची जबाबदारी आहे, तर भुवनेश्वर कुमार उपकर्णधार आहे. भुवनेश्वर कुमार हा सर्वात वरिष्ठ खेळाडू आहे आणि दिनेश कार्तिकचा देखील वरिष्ठ खेळाडूंमध्ये समावेश आहे, परंतु हार्दिक पांड्याला संघाचा कर्णधार बनवण्यात आले आहे कारण तो दक्षिण आफ्रिकेविरुद्ध सुरू असलेल्या पाच सामन्यांच्या टी-20 मालिकेत टीम इंडियाचा उपकर्णधार आहे.

भारताचा T20 संघ खालीलप्रमाणे आहे

हार्दिक पंड्या (कर्णधार), भुवनेश्वर कुमार (उपकर्णधार), इशान किशन, रुतुराज गायकवाड, संजू सॅमसन, सूर्यकुमार यादव, व्यंकटेश अय्यर, दीपक हुडा, राहुल त्रिपाठी, दिनेश कार्तिक (विकेटकीपर), युझवेंद्र चहल, अक्षर पटेल, रवी बिश्नोई, हर्षल पटेल, आवेश खान, अर्शदीप सिंग आणि उमरान मलिक