नवी दिल्ली : पाकिस्तानचा स्टार वेगवान गोलंदाज शाहीन शाह आफ्रिदी फॉर्ममध्ये परतला आहे. दुखापतीमुळे काही काळ क्रिकेटच्या मैदानापासून दूर असलेल्या शाहीनने टी-20 विश्वचषकावर धुमाकूळ घातला आहे. त्याने शेवटच्या दोन सामन्यात 7 विकेट घेतल्या. यासह पाकिस्तानने टी-२० विश्वचषकाच्या उपांत्य फेरीचे तिकीटही कापले. अंतिम फेरीत त्याची कट्टर प्रतिस्पर्धी आणि विजेतेपदाची दावेदार टीम इंडियाशी टक्कर होऊ शकते.

अ‍ॅडलेड ओव्हल मैदानावर बांगलादेशविरुद्ध खेळल्या गेलेल्या सुपर-12 फेरीच्या सामन्यात पाकिस्तानने 5 गडी राखून विजय मिळवला. या सामन्यात वेगवान गोलंदाज शाहीन शाह आफ्रिदीने चमकदार कामगिरी केली आणि त्याला सामनावीर म्हणून गौरवण्यात आले. जर भारताची अंतिम फेरीत पाकिस्तानशी गाठ पडली तर तो रोहित शर्मा अँड कंपनीसाठी मोठा धोका ठरू शकतो.

शाहीन आफ्रिदीने T20 विश्वचषकातील शेवटच्या दोन सामन्यात एकूण 7 विकेट घेतल्या आहेत. त्याने बांगलादेशविरुद्ध 4 षटकात 22 धावा देऊन 4 विकेट घेतल्या आहेत. त्याची टी-20 आंतरराष्ट्रीय कारकिर्दीतील ही सर्वोत्तम कामगिरी आहे. त्याचबरोबर त्याने दक्षिण आफ्रिकेविरुद्ध 3 विकेट्स घेतल्या होत्या.

पाकिस्तानचा वेगवान गोलंदाज शाहीन शाह आफ्रिदी आपल्या जुन्या रंगात दिसला. T20 विश्वचषकाच्या सुपर-12 फेरीतील अत्यंत महत्त्वाच्या सामन्यात त्याने बांगलादेशविरुद्ध दमदार कामगिरी केली. त्याने 22 धावांत 4 विकेट घेतले. त्याचे व्हिडिओही सोशल मीडियावर व्हायरल सध्या झाले आहेत.

अंतिम फेरीत भारत आणि पाकिस्तान यांच्यात सामना होऊ शकतो. पाकिस्तानी संघाने बांगलादेशविरुद्ध विजयाची नोंद करत उपांत्य फेरीचे तिकीट मिळवले. आता गटात अव्वल स्थानावर राहून केवळ भारत आणि पाकिस्तानने उपांत्य फेरी गाठली आहे. आता भारत-पाकिस्तान यांच्यातील विजेतेपदाच्या लढाईसाठी दोन्ही संघांना उपांत्य फेरीत आपापल्या प्रतिस्पर्ध्यांवर मात करावी लागणार आहे. ग्रुप-1 मध्ये न्यूझीलंड अव्वल तर इंग्लंड दुसऱ्या क्रमांकावर आहे. दोघांना 7-7 गुण आहेत. न्यूझीलंड 9 नोव्हेंबरला सेमीफायनल खेळेल तर इंग्लंड 10 नोव्हेंबरला सेमीफायनल खेळेल.

टी-२० विश्वचषकापूर्वी शाहीन शाह आफ्रिदीला दुखापत झाली होती. तो बराच काळ संघाबाहेर होता. त्यामुळे संघासोबत ऑस्ट्रेलियाला जाणे त्याच्यासाठी कठीण होत होते, मात्र तो केवळ टी-२० विश्वचषकात आला नाही तर प्रभावही सोडला. मात्र, सुरुवातीच्या सामन्यांमध्ये तो ज्या चेंडूसाठी ओळखला जातो तो दाखवू शकला नाही. गेल्या दोन सामन्यांवर नजर टाकली तर शाहीन पुन्हा मैदानात उतरल्याचे दिसते.

शाहीन आफ्रिदीने आतापर्यंत 25 कसोटी, 32 एकदिवसीय आणि 44 टी-20 आंतरराष्ट्रीय सामने खेळले आहेत. त्याने कसोटीत 99, एकदिवसीय सामन्यात 62 आणि T20 आंतरराष्ट्रीय फॉरमॅटमध्ये 51 विकेट्स घेतल्या आहेत.