आजच्या धावपळीच्या जीवनात प्रत्येकजण स्वतःला तंदुरुस्त ठेवण्यासाठी प्रयत्न करत असतो. यासाठी अनेकजण रोज सकाळी व्यायाम, आणि योग करतात. अशा आरोग्यदायी गोष्टींनी दिवसाची सुरुवात केल्यास तुम्ही नेहमी फिट आणि हेल्दी राहाल.

त्याचपद्धतीने तुम्हाला माहीत आहे का की एक ग्लास पाणीसुद्धा तुम्हाला फिट ठेवण्यात विशेष भूमिका बजावू शकते. तज्ज्ञांच्या मते, सकाळी उठून एक ग्लास पाणी प्यायल्याने तुम्हाला अनेक आजारांपासून दूर राहता येते. आता हे पाणी सकाळी कसे प्यावे ते जाणून घेऊया.

कोमट पाणी वापरा

आयुर्वेदिक तज्ज्ञांच्या मते, फिट राहण्यासाठी तुम्ही सकाळी रिकाम्या पोटी एक ग्लास कोमट पाणी प्यावे. लहानसहान सवयींवर आपले आरोग्य अवलंबून असते असे त्यांचे मत आहे. या सवयीमध्ये तुम्ही रोज सकाळी रिकाम्या पोटी एक ग्लास कोमट पाणी पिण्याची सवय लावली पाहिजे. याच्या मदतीने तुम्ही अनेक आजारांपासून दूर राहू शकता.

शरीरातील विषारी पदार्थ काढून टाकते

सकाळी रिकाम्या पोटी कोमट पाणी प्यायल्याने शरीरातील विषारी पदार्थ बाहेर पडतात. कमी हिमोग्लोबिन आणि कमकुवत हाडे यांसारख्या सर्व समस्यांपासून सुटका मिळते.

सर्दी आणि खोकल्यापासून आराम मिळतो

एक ग्लास कोमट पाणी प्यायल्याने सर्दी, खोकल्यासारख्या समस्यांपासूनही सुटका मिळते. वास्तविक, छातीत श्लेष्मा जमा झाल्यामुळे श्वसनसंस्थेवर परिणाम होतो. ज्यामुळे श्वास घेण्यास त्रास होऊ शकतो. अशा परिस्थितीत या समस्या दूर करण्यासाठी एक ग्लास कोमट पाणी खूप प्रभावी ठरू शकते.

वजन कमी करण्यासाठी

रोज सकाळी रिकाम्या पोटी कोमट पाणी प्यायल्याने वजन कमी होण्यास मदत होते. गरम पाणी प्यायल्याने चयापचय क्रिया मजबूत होते, ज्यामुळे शरीरातील चरबी जाळण्याची प्रक्रिया वेगवान होते आणि अतिरिक्त चरबी कमी होऊ लागते.

योग्य रक्ताभिसरण राखते

रक्ताभिसरण योग्य ठेवण्यासाठीही गरम पाणी फायदेशीर आहे. शरीरात विष आणि चरबी जमा झाल्यामुळे रक्ताभिसरण नीट होत नाही. तर शरीरातील सर्व अवयवांसाठी रक्त खूप महत्वाचे आहे आणि या कारणास्तव ते अधिक चांगले काम करतात. अशा स्थितीत जर तुमचे रक्ताभिसरण नीट होत असेल तर तुम्हाला तंदुरुस्त वाटेल.