नवी दिल्ली : भारताचा माजी कसोटी सलामीवीर वसीम जाफरवर आयपीएलमध्ये मोठी जबाबदारी सोपवण्यात आली आहे. याआधी जाफर बांगलादेशच्या अंडर-19 संघाचा सल्लागार प्रशिक्षक म्हणून काम करत होता. जाफरला पंजाब किंग्जचे नवे फलंदाजी प्रशिक्षक बनवण्यात आले आहे.

फ्रँचायझीने कर्णधारपदानंतर कोचिंगमध्ये मोठे बदल केले असून, वर्ल्ड चॅम्पियन इंग्लंडचे प्रशिक्षक ट्रेव्हर बेलिस यांना संघाचे नवे मुख्य प्रशिक्षक आणि ब्रॅड हॅडिन यांना सहाय्यक प्रशिक्षक बनवले आहे.

त्याचबरोबर चार्ल लँगवेल्ट यांना वेगवान गोलंदाजी प्रशिक्षक बनवण्यात आले आहे. शिखर धवन आयपीएल 2023 मध्ये पंजाब किंग्जचा कर्णधार असेल. त्याच वेळी, फ्रँचायझीने गेल्या हंगामातील कर्णधार मयंक अग्रवालला रिलीज केले आहे.

आयपीएल 2022 मध्ये, पंजाब किंग्ज 8व्यांदा प्लेऑफमध्ये प्रवेश करू शकला नाही. संघ व्यवस्थापनाने शिखर धवन आणि जॉनी बेअरस्टो यांना सलामीवीर म्हणून तयार केले आहे. मयंक अग्रवाल या मेगा लिलावापूर्वी राखून ठेवलेल्या दोन खेळाडूंपैकी एक होता, ज्याची किंमत १४ कोटी रुपये होती. गेल्या मोसमात तो कर्णधार होता, पण संघाच्या अपेक्षा तो पूर्ण करू शकला नाही. इतकेच नाही तर अलीकडच्या काळात त्याच्या खराब फॉर्ममुळे त्याला भारतीय कसोटी संघातूनही वगळण्यात आले होते.

पंजाब किंग्ज कायम ठेवलेल्या खेळाडूंची यादी :

शिखर धवन (कर्णधार), जॉनी बेअरस्टो, अर्शदीप सिंग, लियाम लिव्हिंगस्टोन, कागिसो रबाडा, प्रभसिमरन सिंग, ऋषी धवन, भानुका राजपक्षे, शाहरुख खान, हरप्रीत ब्रार, राज बावा, ऋषी धवन, अथर्व तायडे, राहुल चहर, नॅथन एलिस, बाल्टेज सिंग

रिलीज केलेल्या खेळाडूंची यादी :

मयंक अग्रवाल, संदीप शर्मा, बेनी हॉवेल, ओडियन स्मिथ, वैभव अरोरा, प्रेरक मंकड, हृतिक चॅटर्जी, इशान पोरेल.