मुंबई : अभिषेक शर्माच्या उत्कृष्ट खेळीच्या जोरावर सनरायझर्स हैदराबादने IPL 2022 (IPL) च्या सतराव्या साखळी सामन्यात चेन्नई सुपर किंग्जचा 8 गडी राखून पराभव केला. मुंबईच्या डीवाय पाटील स्टेडियमवर शनिवारी झालेल्या सामन्यात सनरायझर्सने 155 धावांचे आव्हान 17.4 षटकांत 2 गडी राखून जिंकले. हैदराबादसाठी अभिषेकने सर्वाधिक 75 धावांची खेळी केली. त्याने 50 चेंडूत 5 चौकार आणि 3 षटकार ठोकले. राहुल त्रिपाठी 39 धावांवर नाबाद परतला तर निकोलस पूरनने नाबाद 5 धावा केल्या.
155 धावांच्या लक्ष्याचा पाठलाग करताना सनरायझर्स हैदराबादला कर्णधार केन विल्यमसन आणि अभिषेक शर्मा यांनी चांगली सुरुवात करून दिली. दोघांनी पहिल्या विकेटसाठी 89 धावांची भागीदारी केली. केन विल्यमसनला मुकेश चौधरीने मोईन अलीच्या हाती झेलबाद करून हैदराबादला पहिला धक्का दिला. विल्यमसन 40 चेंडूत 32 धावा करून बाद झाला. यादरम्यान त्याने 2 चौकार आणि 1 षटकार मारला.
आयपीएलच्या 15 व्या मोसमातील केन विल्यमसनच्या नेतृत्वाखालील सनरायझर्स हैदराबादचा हा पहिला विजय आहे, तर चेन्नईने सलग चौथा सामना गमावला आहे. यापूर्वी हैदराबादने आपले दोन्ही सामने गमावले होते. पंजाबकडून मुकेश चौधरी आणि ड्वेन ब्राव्होने प्रत्येकी एक विकेट घेतली.
सनरायझर्स हैदराबादचा कर्णधार केन विल्यमसनने नाणेफेक जिंकून चेन्नई सुपर किंग्जला फलंदाजीसाठी आमंत्रित केले. मोईन अलीच्या 48 धावांच्या जोरावर चेन्नईने 20 षटकांत 7 बाद 154 धावा केल्या. CSK ची सुरुवात चांगली झाली नाही आणि त्यांनी 36 च्या स्कोअरवर दोन्ही सलामीवीरांच्या विकेट्स गमावल्या.
15 धावांवर रॉबिन उथप्पाला वॉशिंग्टन सुंदरने एडन मार्करामच्या हाती झेलबाद केले. उथप्पा बाद झाला तेव्हा चेन्नईची धावसंख्या 25 धावा होती. युवा सलामीवीर ऋतुराज गायकवाडचा खराब फॉर्म येथेही कायम राहिला. गायकवाडच्या वैयक्तिक 13 धावांवर टी नटराजनने गोलंदाजी करत चेन्नईला दुसरा धक्का दिला. गायकवाड 13 चेंडूत 3 चौकारांच्या मदतीने 16 धावा काढून बाद झाला.
अंबाती रायुडूने काही चांगले फटके नक्कीच मारले पण तोही 27 चेंडूत 27 धावा करून पॅव्हेलियनमध्ये परतला. त्याला मार्करामच्या हाती सुंदरने झेलबाद करून हैदराबादला तिसरे यश मिळवून दिले. एकूण 108 धावांवर मोईन अलीची विकेट पडली. मोठे फटके खेळण्याच्या प्रयत्नात तो मोईन मार्करामच्या गोलंदाजीवर राहुल त्रिपाठीकडे झेल देऊन पॅव्हेलियनमध्ये परतला. या खेळीत त्याने 35 चेंडूत 3 चौकार आणि 2 षटकार मारले.
शिवम दुबे काही विशेष करू शकला नाही आणि 3 धावा करून टी नटराजनच्या चेंडूवर उमरान मलिककडे झेल देऊन पॅव्हेलियनमध्ये परतला. मार्को येनेसनने महेंद्रसिंग धोनीला उमरान मलिकने वैयक्तिक ३ धावांवर झेलबाद केले. कर्णधार रवींद्र जडेजा 15 चेंडूत 23 धावा करून बाद झाला, तर ड्वेन ब्राव्हो 8 आणि ख्रिस जॉर्डन 6 धावांवर नाबाद परतला. हैदराबादकडून सुंदर आणि नटराजन यांनी 2-2बळी घेतले.