ROHIT VS KL RAHUL
IPL 2022: Lucknow's challenge against Mumbai today; MI in search of first victory

मुंबई : इंडियन प्रीमियर लीगच्या 37 व्या सामन्यात हंगामातील सर्वात वाईट टप्प्यातून जात असलेल्या मुंबई इंडियन्सचा सामना प्रथमच आयपीएल खेळणाऱ्या लखनऊच्या संघाशी होणार आहे. 7 सामने गमावल्यानंतर मुंबई पहिल्या विजयाच्या शोधात आहे, तर दुसरीकडे लखनऊचा संघ 7 सामन्यांत 4 विजय नोंदवून गुणतालिकेत 5व्या क्रमांकावर आहे. शेवटच्या सामन्याबद्दल बोलायचे झाले तर लखनऊला आरसीबीकडून आणि मुंबईला चेन्नई सुपर किंग्जकडून पराभव स्वीकारावा लागला होता.

या मोसमात मुंबईच्या प्लेऑफमध्ये पोहोचण्याच्या आशा संपल्या आहेत, तरीही संघाला जिंकणे आवश्यक आहे कारण सर्वात यशस्वी संघ मुंबईचा हा हंगाम सर्वात वाईट गेला आहे. या हंगामात रोहित शर्मा फ्लॉप दिसत आहे. तर मोठी किंमत घेऊन आलेला इशान किशनही पहिल्या काही सामन्यांनंतर अपयशी ठरला आहे.

लखनऊ सुपर जायंट्स आणि मुंबई इंडियन्स यांच्यातील हा सामना रविवार, 24 एप्रिल रोजी होणार आहे. यांच्यातील हा सामना वानखेडे स्टेडियमवर होणार आहे. सामना भारतीय वेळेनुसार संध्याकाळी 7.30 वाजता सुरू होईल. आणि नाणेफेक संध्याकाळी 7 वाजता होणार आहे.

लखनऊ सुपर जायंट्स आणि मुंबई इंडियन्स यांच्यातील हा सामना तुम्ही स्टार स्पोर्ट्स नेटवर्क किंवा हॉटस्टारवर पाहता येणार आहे.

Leave a comment

Your email address will not be published.