चेन्नई सुपर किंग्ज आणि लखनऊ सुपर जायंट्स हे दोन्ही संघ गुरुवारी विजयाचे खाते उघडू इच्छित आहेत. चेन्नई सुपर किंग्जला पहिल्याच सामन्यात कोलकात्याकडून पराभव स्वीकारावा लागला होता. चेन्नईचा माजी कर्णधार महेंद्रसिंग धोनीने अर्धशतक झळकावले असले तरी ते संघाच्या विजयासाठी पुरेसे नव्हते. चेन्नईने 131 धावा केल्या, जे कोलकात्याने सहज पार केले.
पण लखनऊविरुद्धच्या सामन्यात चेन्नईच्या संघाचे मनोबल उंचावेल. याचं एक मोठं कारण म्हणजे संघात एका मोठ्या खेळाडूची एंट्री झाली आहे. हा खेळाडू दुसरा कोणी नसून मोईन अली आहे. इंग्लंडच्या या अष्टपैलू खेळाडूची उणीव चेन्नईला पहिल्याच सामन्यात खूप जाणवली.
मोईनने गेल्या मोसमात चेन्नईच्या विजेतेपदात महत्त्वाची भूमिका बजावली होती. अव्वल क्रमाने फलंदाजी करणाऱ्या या डावखुऱ्या फलंदाजाने चेन्नईला परिस्थितीनुसार हाताळले. गरज असेल तेव्हा त्याने जोरदार फलंदाजी केली आणि कठीण परिस्थितीत फलंदाजीच्या क्रमाला साथ दिली.
अलीने गेल्या मोसमात 357 धावा केल्या होत्या. त्यात एका अर्धशतकाचा समावेश होता. त्याचा स्ट्राइक रेट 137.30 होता. अली व्हिसाच्या समस्येमुळे अली चेन्नईसोबत पहिला सामना खेळू शकला नव्हता. आयपीएलमध्ये बाहेरून येणाऱ्या खेळाडू आणि सपोर्ट स्टाफसाठी तीन दिवसांचे क्वारंटाईन अनिवार्य आहे.
मात्र, आता तो लखनऊविरुद्ध खेळणार हे निश्चित आहे. आणि त्याच्या येण्याने चेन्नईला मोठा दिलासा मिळणार आहे. तो मिचेल सँटनरच्या जागी खेळू शकतो. चेन्नई सुपर किंग्जची टॉप ऑर्डर कोलकाताविरुद्ध अयशस्वी ठरली आणि मोईन अलीचे आगमन त्यांच्यासाठी आधार ठरू शकते.