DEVID WORNER VS RAINA
IPL 2022: David Warner breaks Suresh Raina's big record in IPL

मुंबई : आयपीएल 2022 च्या 41व्या साखळी सामन्यात दिल्ली कॅपिटल्सने कोलकाता नाइट रायडर्सचा 4 गडी राखून पराभव केला. या सामन्यात डेव्हिड वॉर्नरने आपल्या संघासाठी 42 धावांची महत्त्वपूर्ण खेळी केली आणि आयपीएलमध्ये गोलंदाजाविरुद्ध सर्वाधिक धावा करण्याच्या बाबतीत तो पहिल्या क्रमांकावर आला.

याशिवाय आयपीएलमध्ये एका संघाविरुद्ध सर्वाधिक धावा करण्याच्या बाबतीत वॉर्नर तिसऱ्या क्रमांकावर पोहोचला आहे. या सामन्यात केकेआरने दिल्लीला विजयासाठी 147 धावांचे लक्ष्य दिले होते आणि ऋषभ पंतच्या संघाने 19 षटकात 6 गडी गमावत 150 धावा करत सामना जिंकला.

डेव्हिड वॉर्नरने सुरेश रैनाचा विक्रम मोडला

आयपीएलमध्ये एका गोलंदाजाविरुद्ध सर्वाधिक धावा करण्याच्या बाबतीत सुरेश रैना पहिल्या क्रमांकावर होता, त्याने पियुष चावलाविरुद्ध १७५ धावा केल्या होत्या, पण आता डेव्हिड वॉर्नरने सुनील नरेनविरुद्ध १७६ धावा करत रैनाला मागे टाकले आहे. आयपीएलमध्ये एकाच गोलंदाजाविरुद्ध सर्वाधिक धावा करणाऱ्या फलंदाजांच्या यादीत वॉर्नर आता पहिल्या क्रमांकावर आहे.

आयपीएलमध्ये गोलंदाजाविरुद्ध सर्वाधिक धावा करणारे पहिले 5 फलंदाज

176 धावा – डेव्हिड वॉर्नर विरुद्ध सुनील नरेन

175 धावा – सुरेश रैना विरुद्ध पियुष चावला

160 धावा – विराट कोहली विरुद्ध आर अश्विन

158 धावा – विराट कोहली विरुद्ध अमित मिश्रा

157 धावा – विराट कोहली विरुद्ध ड्वेन ब्राव्हो

डेव्हिड वॉर्नर आयपीएलमध्ये एका संघाविरुद्ध सर्वाधिक धावा करण्याच्या बाबतीत तिसऱ्या क्रमांकावर पोहोचला आहे. वॉर्नरने KKR विरुद्ध 1000 धावा पूर्ण केल्या, दिल्लीविरुद्ध 42 धावा केल्या आणि या लीगमध्ये संघाविरुद्ध सर्वाधिक धावा करण्याच्या बाबतीत तो तिसरा आला. या लीगमध्ये एका संघाविरुद्ध सर्वाधिक धावा करणाऱ्यांच्या यादीत शिखर धवन पहिल्या क्रमांकावर आहे.

आयपीएलमध्ये संघाविरुद्ध सर्वाधिक धावा करणारे पहिले 4 फलंदाज

1029 धावा – शिखर धवन विरुद्ध CSK

1018 धावा – रोहित शर्मा विरुद्ध केकेआर

1017 धावा – डेव्हिड वॉर्नर विरुद्ध केकेआर

1005 धावा – डेव्हिड वॉर्नर विरुद्ध पीबीकेएस

Leave a comment

Your email address will not be published.