नवी दिल्ली : कर्णधार हरमनप्रीत कौर (नाबाद 143) आणि हरलीन देओल (58) यांच्या शतकी खेळीच्या जोरावर भारताने बुधवारी दुसऱ्या एकदिवसीय सामन्यात इंग्लंडचा 88 धावांनी पराभव करत तीन सामन्यांच्या मालिकेत 2-0 अशी अभेद्य आघाडी घेतली. आणि एकदिवसीय मालिका जिंकली. यापूर्वी 1999 मध्ये भारतीय संघाने इंग्लंडविरुद्धची वनडे मालिका 2-1 ने जिंकली होती.

हरमनप्रीत कौरने नाबाद 143 धावा केल्या, तर रेणुका सिंगने 4 विकेट घेतल्या.

हरमनप्रीत कौरच्या बळावर भारताने पाच विकेट्सवर ३३३ धावांची मजल मारली. 111 चेंडूंचा सामना करताना हरमनप्रीतने नाबाद खेळीत 18 चौकार आणि चार षटकार ठोकले. हरलीनने ७२ चेंडू खेळले ज्यात पाच चौकार आणि दोन षटकारांचा समावेश होता. या दोघांनी चौथ्या विकेटसाठी 113 धावांची भागीदारी केली. प्रत्युत्तरात इंग्लंडचा संघ 44.2 षटकांत 245 धावांवर गारद झाला. इंग्लंडकडून डॅनी व्हाईटने (65) सर्वाधिक धावा केल्या. भारताकडून रेणुका सिंगने (4/57) सर्वाधिक विकेट घेतल्या.

भारतासाठी या एकदिवसीय मालिकेतील पहिल्या सामन्यात शानदार खेळी करणाऱ्या स्मृती मंधानाने 40 धावांची खेळी केली आणि यादरम्यान ती भारतासाठी एकदिवसीय क्रिकेटमध्ये सर्वात जलद 3000 धावा पूर्ण करणारी महिला फलंदाज बनली आणि मिताली राजचा विक्रम मोडला. याशिवाय शेफाली वर्माने 8 धावा, पूजा वस्त्राकरने 18 धावा आणि दीप्ती शर्माने नाबाद 15 धावा केल्या.

डॅनियल वॅटने इंग्लंडसाठी सर्वात मोठी खेळी केली आणि 58 चेंडूत 61 धावा केल्या. याशिवाय अॅलिस कॅप्सीने 39 धावा केल्या, तर कर्णधार एमी जोन्सनेही संघासाठी 39 धावा केल्या, परंतु त्यांच्या विजयासाठी ते पुरेसे नव्हते. याशिवाय इतर फलंदाज काही विशेष करू शकले नाहीत आणि संपूर्ण संघ 44.2 षटकांत भारतीय गोलंदाजांसमोर 245 धावांत गारद झाला.