हिवाळा येताच लहान मुलांना सर्दी-खोकल्याचा त्रास सुरू होतो. या समस्येच्या मागे त्यांची कमकुवत प्रतिकारशक्ती देखील कारण असू शकते. त्यांनी जर रोजच्या आहारात पोषक घटक पदार्थ समावेश केले तर हिवाळ्यात ते निरोगी राहतील.

खरं तर, वारंवार आजारपणामुळे, मुले अशक्त होऊ लागतात आणि सर्दी, खोकला आणि ताप त्यांना पुन्हा पुन्हा त्रास देऊ लागतो. अशा परिस्थितीत तुम्हाला अशाच काही हिवाळ्यातील रसांबद्दल सांगत आहोत जे मुलांच्या आरोग्यासाठी खूप फायदेशीर आहेत. चला तर मग जाणून घेऊया हिवाळ्यात कोणत्या गोष्टींचा ज्यूस तुम्ही तुमच्या मुलांना द्यावा.

हिवाळ्यात हे 5 रस मुलांना द्या

डाळिंबाचा रस : डाळिंबाचा रस शरीरातील रक्ताची कमतरता दूर करतो. ज्यामुळे रोगप्रतिकार शक्ती मजबूत होते. हा रस बनवण्यासाठी डाळिंब सोलून त्यातील दाणे काढून रस काढा. आता या रसात थोडेसे काळे मीठ टाकून मुलांना द्या.

गाजर-टोमॅटोचा रस : गाजर आणि टोमॅटो मुलांसाठी खूप फायदेशीर आहेत. ते चवीलाही खूप छान लागते. हे बनवण्यासाठी तुम्ही एक गाजर आणि टोमॅटो घ्या आणि त्याचा रस काढा. आता त्यात आल्याचा छोटा तुकडा घालून बारीक करा. याचे सेवन केल्याने मुलांची रोगप्रतिकारशक्ती झपाट्याने वाढते.

गाजर, बीट, सफरचंद मिक्स ज्यूस: गाजर, बीटरूट आणि सफरचंद फायबर आणि जीवनसत्त्वांनी समृद्ध असतात. याच्या नियमित सेवनाने रोगप्रतिकारशक्ती मजबूत होते आणि पचनक्रियाही चांगली राहते. ते बनवण्यासाठी आधी सोलून ज्युसरमध्ये टाकून त्याचा रस काढा. आता त्यात हलके काळे मीठ टाकून ताजे प्यायला द्या.

संत्रा आणि गाजराचा रस: संत्रा आणि गाजरच्या मिश्रित रसामध्ये व्हिटॅमिन ए आणि व्हिटॅमिन सी आढळते, जे रोगप्रतिकारशक्ती वाढवण्यासाठी खूप फायदेशीर आहे. याच्या सेवनाने हंगामी आजार दूर राहतात आणि मुलांची भूकही वाढते. हे करण्यासाठी एक गाजर आणि अर्धी संत्री घेऊन ज्युसरमध्ये टाका आणि रस काढा. आता त्यात थोडेसे काळे मीठ टाका.

सफरचंदाचा रस : अनेक मुलांना सफरचंद खायला आवडत नाही, त्यामुळे तुम्ही त्याचा रस काढून त्यांना देऊ शकता. यासाठी ज्युसरमध्ये त्याचा रस काढा आणि त्यात थोडासा लिंबाचा रस घाला. यामध्ये भरपूर फायबर, लोह आणि मॅग्नेशियम आणि अनेक जीवनसत्त्वे असतात, जे मुलांच्या विकासासाठी देखील खूप फायदेशीर असतात.