कोणतेही कठीण काम केले की शरीरातून मोठ्या प्रमाणात घाम येऊ लागतो. या घामामुळे शरीरातून दुर्गंधी येऊ लागतो. जो सर्वांनाच आवडतहा नाही आणि सहनही होत नाही. चार चौघात हे खूप लाजिरवाणे वाटते. यासाठी अनेकजण परफ्यूमचा वापर करतात.

पण हे खूप महाग देखील असतात. तर काहीवेळा यामुळे अॅलर्जीही होऊ लागते. जर तुम्हाला ऍलर्जीमुळे परफ्यूम वापरता येत नसेल, तर तुम्ही याऐवजी काही खास तेलांचा वापर करू शकता. ज्यामुळे तुम्हाला कधीच घामाच्या दुर्गंधीचा सामना करावा लागणार नाही. चला तर मग जाणून घेऊया या तेलाबद्दल…

नेरोली तेल

तुम्हाला बाजारात नेरोली तेलाचे अनेक परफ्यूम मिळतील. ज्यामध्ये नेरोलीच्या फुलांचा सुगंध असतो. पण जर तुम्हाला बाजारातून परफ्यूम घ्यायचा नसेल तर तुम्ही घरीच परफ्यूम बनवू शकता. स्प्रे बाटलीत नेरोली तेल टाकून तुम्ही ते शरीरावर फवारू शकता. हे केवळ तुम्हालाच नाही तर तुमच्या सभोवतालच्या इतर लोकांनाही खूप चांगली ऊर्जा देईल.

लैव्हेंडर तेल

तुम्ही तुमच्या स्किन केअर रुटीनमध्ये अनेक वेळा लैव्हेंडर ऑइलचा वापर केला असेल. पण तुम्ही ते नैसर्गिक परफ्यूम म्हणून वापरू शकता. याचा नियमित वापर केल्याने चिंता आणि तणावापासूनही आराम मिळतो. लॅव्हेंडर ऑइलमध्ये दाहक गुणधर्म आढळतात जे त्वचेसाठी खूप फायदेशीर असतात. परफ्यूम म्हणून वापरण्यासाठी आंघोळीनंतर हाताच्या खाली आणि मानेच्या काही भागावर लावा. यामुळे तुमच्या शरीरातील घामाचा वास टाळता येईल.

चंदन तेल

परफ्यूम म्हणून तुम्ही चंदनाचे तेल वापरू शकता. यात एक विशेष सुगंध आहे जो तुमचे मन आणि शरीर आराम करण्यास मदत करतो. हा सुगंध घाम येण्यासही प्रतिबंध करतो. पण हे तेल थेट त्वचेवर वापरू नका. ते प्रथम कपड्यांवर लावा. थेट त्वचेवर लावल्याने तुम्हाला ऍलर्जी होऊ शकते.

गुलाब तेल

गुलाबाचे तेल तुम्ही नैसर्गिक परफ्यूम म्हणूनही वापरू शकता. हे त्वचेसाठी खूप फायदेशीर मानले जाते. तसेच घामाचा दुर्गंधी दूर होण्यास मदत होते आणि मन प्रसन्न होते. गुलाबाचे तेल वापरण्यासाठी, तुम्ही ते कापसावर लावू शकता किंवा स्प्रे म्हणून वापरू शकता.