सध्या देशभरात वाहतूकीचे नियम खूप कडक झाले आहेत. वाहतूक पोलीस प्रत्येक वाहनांवर बारीक लक्ष ठेवताना दिसत आहेत. रस्त्यावर वाहन चालवताना थोडीशी चूक आढळल्यास वाहतूक पोलीस व अधिकारी लगेचच गाडीच्या कागदपत्रांची मागणी करतात. अशावेळी एखादे कागदपत्र घरी विसरल्यास आपल्याकडून वाहतूक पोलीस मोठा दंड आकारतात.

या दंडापासून वाचण्यासाठी आपण रस्तावर वाहन चालवताना काही महत्वाची कागदपत्रे सोबत ठेवणे आवश्यक आहे. ती महत्वाची कागदपत्रे कोणती याबाबत आज आम्ही तुम्हाला सांगणार आहे.

ड्रायव्हिंग लायसन्स

आम्ही तुम्हाला ड्रायव्हिंग लायसन्सबद्दल माहिती देऊ या की ड्रायव्हिंग लायसन्स व्यक्तीला कोणती वाहने चालवण्याची परवानगी आहे जसे की 2-व्हीलर, 3-व्हीलर आणि 4-व्हीलर. ड्रायव्हिंग लायसन्स हे देखील एका प्रकारचे वाहन बाळगण्याचे प्रमाणपत्र आहे. ड्रायव्हिंग चाचणी उत्तीर्ण झाल्यानंतर, तुम्ही तुमचा ड्रायव्हिंग लायसन्स बनवू शकता. तुमच्या ड्रायव्हिंग लायसन्सची मुदत संपली असेल तर त्याचे नूतनीकरण करणेही आवश्यक आहे. जर तुम्ही योग्य ड्रायव्हिंग लायसन्सशिवाय गाडी चालवताना पकडले गेले तर तुम्हाला यासाठी दंड भरावा लागू शकतो.

वाहन नोंदणी प्रमाणपत्र

प्रादेशिक परिवहन कार्यालयाकडे (आरटीओ) वाहनाची नोंदणी करणे देखील आवश्यक आहे. थोडक्यात, तुमच्याकडे वाहन नोंदणी प्रमाणपत्र असणे अनिवार्य आहे. नोंदणी प्रमाणपत्रामध्ये चेसिस क्रमांक, इंजिन क्रमांक, वापरलेल्या इंधनाची माहिती, वाहनाचा वर्ग, वाहन कोणत्या मर्यादांमध्ये वापरले जात आहे, त्याची क्षमता पाहिली जाते.

वाहन विमा

कायदेशीरदृष्ट्या, वाहनाचा विमा हा वाहनाच्या महत्त्वाच्या कागदपत्रांपैकी एक आहे. वाहनाच्या विम्यामध्ये, तुम्हाला वाहनाचा नोंदणी क्रमांक, विमा कंपनीचे नाव, कव्हरेजचा प्रकार आणि विम्याचा कालावधी यासारखी माहिती पाहायला मिळते.

प्रदूषण नियंत्रण प्रमाणपत्र

वाहनांमधून निघणारा प्रदूषित धूर पर्यावरणासाठी घातक आहे. वाहनांमधील प्रदूषणाची वेळोवेळी तपासणी करणे अत्यंत गरजेचे आहे. वाहनाच्या प्रदूषण नियंत्रण प्रमाणपत्रामध्ये उत्सर्जन पातळीची सर्व माहिती असते. सरकारने ठरवून दिलेल्या मानकांनुसार, या प्रमाणपत्रातील गाडीच्या उत्सर्जन पातळीची माहिती जुळणे अत्यंत आवश्यक आहे.

वाहन फिटनेस प्रमाणपत्र

RTO द्वारे वाहनाचा फिटनेस तपासला जातो, त्यानंतर तुमचे वाहन विहित मानकांमध्ये बसत असल्यास त्याला फिटनेस प्रमाणपत्र मिळते. वाहनांचा फिटनेस विहित मानकांमध्ये असणे अत्यंत आवश्यक आहे. दुसरीकडे, जर तुमच्या वाहनातील उत्सर्जन क्षमतेमध्ये समस्या असेल, तर हे प्रमाणपत्र आरटीओकडून जारी केले जात नाही. फिटनेस प्रमाणपत्राशिवाय प्रवास केल्यास ते कायद्यानुसार बेकायदेशीर ठरेल.