आजकाल अनेकजण सुंदर दिसण्यासाठी प्रयत्न करतात. त्यासाठी अनेक महागडे केमिकल प्रॉडक्ट खरेदी करत असतात. जर तुम्हीही या चक्रात अडकत असाल तर हे थांबवा.

कारण, चेहऱ्यावर ग्लो आणण्यासाठी स्किन केअर टिप्सऐवजी आपल्या आहाराकडे लक्ष देणं गरजेचं आहे. कारण, काही फळे खाल्ल्याने तुमचा चेहरा चमकदार होऊ शकतो. तजेलदार त्वचा देणाऱ्या या फळांबद्दल न्यूट्रिशनिस्ट कविता देवगण यांनी एका हिंदी वेबसाइटला माहिती दिली आहे.

चेहरा ग्लोइंग करण्यासाठी ही फळे खा

1. केळी खाण्याचे फायदे – त्वचेसाठी केळीचे फायदे केळी दिवसातून एकदा अवश्य खावी, कारण केळी खाल्ल्याने त्वचा चमकदार होते. केळ्यामध्ये असलेले फायटोकेमिकल फ्रुक्टो-ओलिगो सॅकराइड त्वचेतील कोलेजन वाढवण्यास मदत करते. त्यामुळे चेहरा घट्ट होतो.

2. आंब्याचे फायदे – त्वचेसाठी आंब्याचे फायदे अल्फोन्सो, दशहरी, लंगडा इत्यादी अनेक प्रकारचे आंबे तुम्ही ऐकले असतील, जे खायलाही चविष्ट असतात. पण संतुलित प्रमाणात आंबा खाल्ल्याने त्वचेवर चमक येते. कारण, आंब्याच्या आत असलेले बीटा कॅरोटीन व्हिटॅमिन ए मध्ये बदलते आणि त्वचेला फायदा होतो.

3. संत्री खाण्याचे फायदे – चमकणाऱ्या त्वचेसाठी संत्र्याचे फायदे चेहऱ्याला तजेलदार बनवण्यासाठी संत्री हे उत्तम फळ आहे. कारण, यामध्ये व्हिटॅमिन-सी आणि पाण्याचे प्रमाण असते, जे त्वचेसाठी फायदेशीर असते. यामुळे त्वचेला हायड्रेशन आणि ग्लो दोन्ही येते.

4. सफरचंद खाण्याचे फायदे – त्वचेसाठी सफरचंदचे फायदे सफरचंद खाणे आरोग्यासाठी खूप फायदेशीर असते हे तुम्ही ऐकले असेलच. पण सफरचंद खाल्ल्याने मुरुमेही बरे होतात. कारण सफरचंदाच्या सालीमध्ये पेक्टिन असते, जे शरीराला डिटॉक्स करण्यास मदत करते.

5. द्राक्षे खाण्याचे फायदे – त्वचेसाठी द्राक्षे फायदेशीर असतात द्राक्षे खाणे त्वचेसाठी देखील फायदेशीर आहे, कारण हे फळ सुरकुत्या, फ्रिकल्स यांसारख्या वृद्धत्वाच्या लक्षणांवर नियंत्रण ठेवण्यास मदत करते. द्राक्षांमध्ये असलेले रेझवेराट्रोल हे वृद्धत्वविरोधी गुणधर्म म्हणून काम करते आणि चेहरा तरुण ठेवण्यास मदत करते.

Leave a comment

Your email address will not be published.