उन्हाळ्यात आरोग्यासाठी मिळणारी अनेक फळांमध्ये आणि भाज्यांमध्ये अत्यंत पौष्टिक असतात. काही फळांमध्ये पाण्याचे प्रमाण जास्त असते. जे शरीराला थंड ठेवण्यासाठी  मदत करतात. या ऋतूत टरबुज भरपूर प्रमाणात आढळतात.

टरबूज तुमच्यासाठी केवळ चवीच्याच नव्हे तर आरोग्याच्या दृष्टीनेही अनेक प्रकारे फायदेशीर ठरू शकते. यामध्ये जवळपास ९२ टक्के पाणीसाठा आहे. त्यात कॅलरी कमी आणि फायबर, व्हिटॅमिन ए आणि सी, पोटॅशियम आणि मॅग्नेशियम यांसारख्या पोषक तत्वांचा भरपूर प्रमाणात समावेश आहे, ज्याची आपल्या शरीराला दररोज आवश्यकता असते.

चला तरबूज खाण्याचे आरोग्यदायी फायदे जाणून घेऊया.

हृदयासाठी फायदेशीर

टरबूजमध्ये असे अनेक पोषक तत्व असतात जे हृदयाला निरोगी ठेवण्यासाठी खूप उपयुक्त असतात. हृदयरोग हे जगभरातील मृत्यूचे प्रमुख कारण आहेत, या आजारांना प्रतिबंध करण्यासाठी टरबूज प्रभावी असल्याचे अभ्यास दर्शविते.

संशोधनात असे दिसून आले आहे की टरबूजमध्ये लाइकोपीन नावाचे रासायनिक संयुग आढळते जे कोलेस्ट्रॉल आणि रक्तदाब कमी करण्यास मदत करते. हे उच्च कोलेस्टेरॉलमुळे होणारे ऑक्सिडेटिव्ह नुकसान टाळण्यासाठी देखील प्रभावी असल्याचे आढळले आहे.

टरबूजमध्ये सिट्रुलीन हे अमिनो अॅसिड देखील असते जे तुमच्या शरीरातील नायट्रिक ऑक्साईडची पातळी वाढवते. नायट्रिक ऑक्साईड रक्तवाहिन्यांच्या विस्तारासाठी आणि त्यांना निरोगी ठेवण्यासाठी आवश्यक आहे, ज्यामुळे रक्तदाब नियंत्रणात राहतो.

पचनास मदत करते

टरबूजमध्ये भरपूर पाणी आणि फायबर असतात, हे दोन्हीही निरोगी पचनासाठी आवश्यक असतात. फायबर तुमची आतडे निरोगी ठेवण्यास मदत करते, तर पाणी पचनमार्गातून कचरा अधिक कार्यक्षमतेने हलविण्यास मदत करते. ४,५६१ प्रौढांच्या सर्वेक्षणात असे आढळून आले की जे लोक कमी प्रमाणात द्रवपदार्थ आणि फायबरचे सेवन करतात

त्यांना बद्धकोष्ठतेचा धोका जास्त असतो. उन्हाळ्यात पचनाची समस्या नैसर्गिकरित्या वाढत असल्याने टरबूजाचे नियमित सेवन करणे तुमच्यासाठी फायदेशीर ठरू शकते.

डोळ्यांसाठी फायदेशीर

अभ्यास असेही सूचित करतात की टरबूजमध्ये आढळणारे कंपाऊंड, लाइकोपीन, तुमच्या डोळ्यांसाठी फायदेशीर असू शकते. अनेकांना वयोमानानुसार मॅक्युलर डिजनरेशन (AMD) चा धोका वाढतो. ही एक सामान्य डोळ्याची समस्या आहे ज्यामुळे वृद्ध लोकांमध्ये अंधत्व येऊ शकते.

संशोधनात असे आढळून आले आहे की लाइकोपीनमध्ये अँटिऑक्सिडंट आणि दाहक-विरोधी गुणधर्म आहेत जे AMD रोखण्यास मदत करू शकतात. याशिवाय लाइकोपीन डोळ्यांच्या पेशींना दीर्घकाळ निरोगी ठेवण्यासाठी देखील खूप फायदेशीर आहे. अशाप्रकारे टरबूज खाणे तुमच्या डोळ्यांसाठी खूप फायदेशीर ठरू शकते.

Leave a comment

Your email address will not be published.