मुंबई : भारतीय संघाचा महान यष्टीरक्षक फलंदाज ऋद्धिमान साहा गेल्या काही दिवसांपासून चर्चेत आहे. क्रीडा पत्रकार बोरिया मजुमदार यांचा साहासोबत वाद झाला होता. ऋद्धिमान साहाने पत्रकार बोरिया मजुमदार यांच्यावर ऑनलाइन धमकीचा आरोप केला होता. आता या प्रकरणात बोरियाला मोठी शिक्षा सुनावण्यात आली आहे.

एका प्रसिद्ध वृत्तानुसार, क्रीडा पत्रकार बोरिया मजुमदार ऋद्धिमान साहाला धमकी दिल्या प्रकरणी दोषी आढळला असून त्याच्यावर दोन वर्षांची बंदी घालण्यात आली आहे. भारतीय क्रिकेट नियामक मंडळाने (बीसीसीआय) फेब्रुवारीमध्ये तीन सदस्यीय समिती स्थापन केल्यानंतर ही बातमी आली आहे, ज्यामध्ये उपाध्यक्ष राजीव शुक्ला, कोषाध्यक्ष अरुण सिंग धुमाळ आणि सर्वोच्च परिषदेचे सदस्य प्रभातेज सिंग भाटिया यांचा समावेश आहे. मुलाखतीच्या विनंतीवरून साहाने मजुमदार यांच्या धमकीच्या संदेशांचा स्क्रीनशॉट ट्विटरवर पोस्ट केला होता.

बीसीसीआयच्या एका उच्चपदस्थ अधिकाऱ्याने नाव न सांगण्याच्या अटीवर सांगितले की, “आम्ही भारतीय क्रिकेट बोर्डाच्या सर्व राज्य युनिट्सना त्यांना स्टेडियममध्ये प्रवेश न देण्याबाबत कळवू. त्याला देशांतर्गत सामन्यांसाठी माध्यम मान्यता दिली जाणार नाही आणि त्याला ब्लॅक लिस्टमध्ये टाकण्यासाठी आम्ही आयसीसीला पत्रही लिहू.

काय आहे प्रकरण?

19 फेब्रुवारी रोजी साहाने चॅटचा स्क्रीनशॉट शेअर केला होता त्यामध्ये लिहिले होते, “भारतीय क्रिकेटमधील माझ्या सर्व योगदानानंतर मला तथाकथित आदरणीय पत्रकाराकडून अपमान सहन करावा लागला!

चॅटमधला एक मेसेज तुम्ही कॉल केला नाही, मी यापुढे तुमची मुलाखत घेणार नाही. मला अपमान सहन होत नाही आणि मी ते लक्षात ठेवेन. यानंतर या प्रकरणावर पूर्ण तपासणी करण्यात आली आणि त्या पत्रकाराला शिक्षा देण्यात आली.

Leave a comment

Your email address will not be published.