ashsish nehra
Birthday Special: Swollen feet make history in World Cup; Coming back in 36 years, paper-pen created panic!

मुंबई : गेल्या दशकात भारतीय क्रिकेटला उंचीवर नेण्यात अनेक वेगवान गोलंदाजांचा हात आहे. पण यामध्ये जो गोलंदाज वेगळा होता आणि टीम इंडियाच्या यशाचे श्रेय ज्याला द्यायला हवे, तो म्हणजे आशिष नेहरा.

भारताच्या या माजी वेगवान गोलंदाजाचा आज वाढदिवस आहे. आशिष नेहराचा जन्म 29 एप्रिल 1979 रोजी दिल्लीत झाला आणि तो भारताकडून तिन्ही फॉरमॅटमध्ये खेळला आहे. दुखापतीमुळे त्याच्या कारकिर्दीवर मोठा परिणाम झाला. पण, प्रत्येक वेळी शस्त्रक्रियेनंतर त्याने जोरदार पुनरागमन केले. त्यामुळेच तो भारतीय क्रिकेटमध्ये पुनरागमन करणारा खेळाडूही मानला जातो.

वयाच्या 36 व्या वर्षी तो भारतीय क्रिकेटमध्ये परतला आणि 2016 च्या T20 विश्वचषकात त्याच्या गोलंदाजीच्या बळावर टीम इंडियाला उपांत्य फेरीत नेले. यापूर्वी 2011 आणि 2003 च्या वनडे वर्ल्ड कपमध्येही आशिषने अप्रतिम गोलंदाजी करत संघाला अंतिम फेरीत नेण्यात महत्त्वाची भूमिका बजावली होती.

आशिष नेहराने 1999 मध्ये कसोटी फॉर्मेटमधून आंतरराष्ट्रीय क्रिकेटमध्ये पदार्पण केले. पण दुखापती आणि तंदुरुस्तीमुळे त्याची कसोटी कारकीर्द फार काळ टिकली नाही आणि तो केवळ 17 कसोटी खेळू शकला. नेहराने शेवटची कसोटी 2004 मध्ये खेळली होती. दरम्यान, त्याने 2001 मध्ये एकदिवसीय क्रिकेटमध्ये पदार्पण केले.

आशिषने आपल्या स्विंग आणि व्हेरिएशनच्या जोरावर अल्पावधीतच या फॉरमॅटमध्ये छाप पाडली आणि त्यानंतर 2003 मध्ये दक्षिण आफ्रिकेत झालेल्या एकदिवसीय विश्वचषकात त्याला संधी मिळाली. या विश्वचषकात भारत अंतिम फेरीत पोहोचला तेव्हा यात आशिषची भूमिका महत्त्वाची होती. त्याने 9 सामन्यात 15 विकेट घेतल्या.

या स्पर्धेत त्याने इंग्लंडविरुद्धच्या सामन्यात अप्रतिम गोलंदाजी करत 10 षटकांत 23 धावा देत 6 बळी घेतले. विश्वचषकातील कोणत्याही भारतीयाची ही सर्वोत्तम कामगिरी आहे. दुखापतीनंतरही नेहरा या सामन्यात खेळला. या सामन्यात त्याच्या पायाला सूज होती. तसेच या सामन्यात त्याला उलट्या होत होत्या. या परिस्थितीतही त्याने गोलंदाजी करून इतिहास घडवला.

आशिष नेहराला त्याच्या कारकिर्दीत अनेकवेळा शस्त्रक्रिया करावी लागली. यामुळे तो संघात आणि संघाबाहेर जात राहिला. पण, जेव्हा जेव्हा त्याने पुनरागमन केले तेव्हा त्याने असाधारणपणे चांगली कामगिरी केली. 2011 च्या विश्वचषकातही तो भारतीय संघाचा भाग होता.

या स्पर्धेत त्याने पाकिस्तानविरुद्धच्या उपांत्य फेरीत अत्यंत किफायतशीर गोलंदाजी केली. त्याने 10 षटकात 33 धावा देत 2 बळी घेतले. पण, या सामन्यात त्याचे बोट फ्रॅक्चर झाले आणि तो श्रीलंकेविरुद्ध अंतिम सामना खेळू शकला नाही आणि पाकिस्तानविरुद्धची उपांत्य फेरी ही त्याची शेवटची वनडे ठरली.

2011 नंतर तो 5 वर्षे टीम इंडियातून बाहेर होता. पण 2015 च्या आयपीएलमध्ये चेन्नई सुपर किंग्जसाठी 15 विकेट घेत त्याने पुन्हा एकदा टीम इंडियाचे तिकीट मिळवले आणि प्रथम ऑस्ट्रेलियात एकदिवसीय मालिका जिंकली, त्यानंतर टी-20 विश्वचषकात जोरदार गोलंदाजी केली. या स्पर्धेत त्याने 5 विकेट घेतल्या. पण 5.94 च्या इकॉनॉमी रेटने धावा दिल्या. यानंतर 2017 मध्ये त्याने क्रिकेटमधून निवृत्ती घेतली.

सध्या तो गुजरात टायटन्सचे प्रशिक्षकपद भूषवत आहे. या मोसमात गुजरात टायटन्स नेहराच्या प्रशिक्षकपदाखाली गुणतालिकेत पहिल्या स्थानावर आहे.

Leave a comment

Your email address will not be published.