नवी दिल्ली : ICC ने बुधवारी एक मोठी घोषणा केली की ‘द ओव्हल’ आणि ‘लॉर्ड्स’ मैदाने अनुक्रमे 2023 आणि 2025 मध्ये होणार्‍या वर्ल्ड टेस्ट चॅम्पियनशिप (WTC) फायनलचे आयोजन करतील. जुलैमध्ये बर्मिंगहॅम येथे आयसीसीच्या वार्षिक सर्वसाधारण सभेदरम्यान पुढील दोन WTC फायनलचे यजमानपदासाठी इंग्लंडची निवड करण्यात आली.

ICC ने केली मोठी घोषणा

आयसीसीचे मुख्य कार्यकारी ज्योफ अल्लार्डिस यांनी एका निवेदनात म्हटले आहे की, “आम्हाला आनंद होत आहे की पुढील वर्षी आयसीसी वर्ल्ड टेस्ट चॅम्पियनशिप फायनलचे आयोजन ‘द ओव्हल’ द्वारे केले जाईल आणि त्यानंतर आम्ही लॉर्ड्सवर 2025 च्या अंतिम सामन्याचे आयोजन करू.”

या” दोन क्रिकेट मैदानांना 2023 आणि 2025 WTC चे होस्टिंग मिळाले

यात ज्योफ अलार्डीस म्हणाले, ‘गेल्या वर्षी न्यूझीलंड आणि भारत यांच्यातील साउथॅम्प्टनमधील अंतिम सामना खूप मनोरंजक होता आणि मला खात्री आहे की जगभरातील चाहते ‘ओव्हल’ येथे पुढील WTC फायनलची आतुरतेने वाट पाहत असतील.

ऑस्ट्रेलिया आणि दक्षिण आफ्रिका अव्वल

2023 आणि 2025 या दोन्ही आयसीसी वर्ल्ड टेस्ट चॅम्पियनशिपसाठी स्थळांची घोषणा करण्यात आली आहे, परंतु त्यांच्या तारखांची अद्याप पुष्टी झालेली नाही. मेरीलेबोन क्रिकेट क्लब (MCC) चे मुख्य कार्यकारी आणि सचिव गे लॅव्हेंडर म्हणाले, “लॉर्ड्स 2025 मध्ये आयसीसी वर्ल्ड टेस्ट चॅम्पियनशिपचे आयोजन करेल याचा आम्हाला खूप आनंद झाला आहे. मार्चपर्यंत चालेल. ऑस्ट्रेलिया आणि दक्षिण आफ्रिका सध्या WTC टेबलमध्ये आघाडीवर आहेत.