अंडी खाणे शरीरासाठी खूप फायदेशीर आहेत. हे खाल्ल्याने यात असणारे भरपूर पोषक घटक शरीराला मिळतात. वय कोणताही असो लहान असो की वृद्ध रोज किमान एक तरी अंडे खावे असा सल्ला अनेकजण देत असतात.
जर तुम्हीही अंडी खात असाल तर तोडीशी काळजी घ्या. कारण गरजेपेक्षा जास्त अंडी खाल्ले तर तुमच्या आरोग्याला खूप नुकसान सहन करावे लागू शकते. कारण जास्त अंडी खाल्ल्याने शरीरावर अनेक दुष्परिणाम होतात.
पोटाला इजा होते
आरोग्य राखण्यासाठी काही लोक जास्त अंडी खातात तर काही लोक कच्चे अंडेही खातात. असे केल्याने तुम्हाला उलट्या आणि पोटाशी संबंधित समस्या होऊ शकतात. अंड्यांमध्ये असलेल्या अल्ब्युमिनमुळे अनेकांना अंड्यांची अॅलर्जी असते. या काळात लोकांना सूज, उलट्या, जुलाब, खोकला, शिंका येणे यासारखे इतर अनेक आजार होण्याची शक्यता असते.
अधिक प्रथिने नुकसान देते
व्यायामशाळेतील लोकांसाठी अंडी हा प्रथिनांचा चांगला स्रोत मानला जातो, परंतु शरीरातील प्रथिनांचे प्रमाण कमी झाल्यामुळे किडनीवर वाईट परिणाम होतो. यासह, अधिक अंडी खाल्ल्याने आपण आवश्यकतेपेक्षा जास्त कॅलरी घेतो आणि यामुळे लठ्ठपणा वाढतो.
शरीरात सूज येऊ शकते
अनेक वेळा असे दिसून येते की लोकांना खूप अस्वस्थता येते आणि शरीरावर सूज येऊ लागते, त्यामुळे अंडी खाण्याच्या प्रमाणाबाबत आहारतज्ञांचा सल्ला घेणे आवश्यक आहे.
मधुमेह आणि हृदयाच्या रुग्णांना धोका
मधुमेहाच्या रुग्णांनी जास्त अंडी खाणे टाळावे, असे तज्ज्ञांचे मत आहे. यासोबत अंड्याचा पिवळा भाग खाणार नाही याची विशेष काळजी घेतली पाहिजे. जास्त प्रमाणात अंडी खाल्ल्याने हृदयाच्या समस्या उद्भवू शकतात. यामध्ये उच्च कोलेस्टेरॉलचे प्रमाण असल्याने रक्तदाब आणि हृदयाला खूप नुकसान होते.