मुंबई : बॉलिवूड अभिनेत्री आलिया भट्ट आणि रणबीर कपूर सध्या आपल्या राजकुमारीसोबत आयुष्याचा आनंद घेत आहेत. आपल्या मुलीच्या आगमनामुळे रणबीर आणि आलियाच्या आनंदाला पारावार उरला नाही. हा क्षण दोघांसाठी खूप खास आहे. आलिया आणि रणबीरची छोटी परी आल्यानंतर चाहत्यांनाही जाणून घेण्याची उत्सुकता लागून राहिली आहे की, कपूर कुटुंबातील राजकुमारीचे नाव काय असेल?

तुम्हीही रणबीर-आलियाच्या मुलीचे नाव जाणून घेण्यासाठी उत्सुक असाल तर आम्ही तुमच्यासाठी एक मोठे अपडेट घेऊन आलो आहोत. ताज्या वृत्तानुसार, रणबीर आणि आलियाच्या मुलीचे नाव दिवंगत अभिनेते ऋषी कपूर यांच्याशी संबंधित असेल, बॉलीवूड लाईफमध्ये प्रसिद्ध झालेल्या वृत्तात सूत्रांच्या हवाल्याने सांगण्यात आले आहे की, दोघेही आपल्या मुलीचे नाव ऋषी कपूर यांच्याशी जोडून ठेवतील.

रणबीर आणि आलियाची ही कल्पना ऐकून नीतू कपूर खूप भावूक झाल्या. आपल्या लाडक्या नातीचे नाव जगासमोर आणण्यासाठी ते उत्सुक आहेत. रणबीर आणि आलियाच्या मुलीच्या जन्मामुळे नीतू कपूर सर्वात जास्त आनंदी आहे. तिने आपल्या नातीला सर्वात गोंडस किड देखील म्हंटले आहे.

रिपोर्टमध्ये असेही सांगण्यात आले आहे की, रणबीर-आलियासह संपूर्ण कुटुंबाने छोट्या राजकुमारीसाठी नाव शॉर्टलिस्ट केले आहे. ते लवकरच त्यांच्या राजकुमारीचे नाव जगासमोर जाहीर करतील.

सध्याच्या ट्रेंडला अनुसरून रणबीर आणि आलिया आपलं नाव जोडून आपल्या मुलीचं नाव ठेवतील असंही अनेकांना वाटतं, पण तसं नाहीये. रिपोर्टनुसार, या जोडप्याच्या मुलीचे नाव ऋषी कपूर यांच्याशी संबंधित असेल. आता रणबीर आणि आलिया त्यांच्या मुलीचे नाव काय ठेवतात ते पाहूया.