मुंबई : बॉलिवूड अभिनेत्री अनन्या पांडे सध्या तिच्या लव्ह लाईफमुळे चर्चेत आहे. अनन्या पांडे बॉलिवूड अभिनेता आदित्य रॉय कपूरला डेट करत असल्याच्या बातम्या येत आहेत. करण जोहरने त्याच्या चॅट शोमध्ये अनन्या आणि आदित्य रिलेशनशिपमध्ये असल्याचे संकेत दिले होते. अनन्याने सांगितले होते की तिला आदित्य हॉट वाटतो. आता आदित्य रॉय कपूरने त्याच्या लग्नाच्या प्लॅनबद्दल सांगितले आहे.

लग्नावर आदित्यचा काय म्हणाला?

आदित्य रॉय कपूरने ETimes शी बोलताना त्याच्या लग्नाची योजनाही सांगितली. लग्नाच्या प्रश्नावर आदित्य म्हणाला, माझा लग्नावर पूर्ण विश्वास आहे. असेल तर होईल. हे काही मी प्रकट करण्याचा प्रयत्न करीत नाही. मी रोज जसा येतो तसा घेतो, त्यामुळे लग्न झालेच तर होईल. मी अजून कोणतीही योजना केलेली नाही.

आदित्यने सांगितले की, त्याला त्याच्या कुटुंबासोबत वेळ घालवणे आवडते. अभिनेता म्हणाला, कुटुंबासोबत वेळ घालवणे, गिटार वाजवणे, खेळ आणि प्रवास यात मला आराम मिळतो. तुम्ही प्रवास करता तेव्हा तुम्ही नेहमी ताजेतवाने परत येता. गोष्टींकडे पाहण्याचा तुमचा दृष्टीकोन बदलला, तर त्यात खूप दिलासा मिळतो.

आदित्य रॉय कपूर आणि अनन्या पांडे यांनी त्यांचे नाते अधिकृतपणे स्वीकारलेले नाही. मात्र त्यांच्या अफेअरच्या बातम्या शहरात चर्चेत असतात. आदित्यच्या नावावर अनन्या करणच्या शोमध्ये ब्लश करताना दिसली. करण जोहरनेही अनन्याला आदित्यच्या नावाने चिडवले. आता चाहत्यांना एवढीच इच्छा आहे की दोघांनीही आपलं नातं पक्कं करावं आणि नेहमी एकमेकांसोबत राहावं.