महाअपडेट टीम, 17 डिसेंबर 2020 :– मुंबई : कोरोनाचे लसीकरण कधी सुरू होणार असा प्रश्न सर्वांनाच पडला होता. परंतु यावर आता राज्याचे आरोग्यमंत्री राजेश टोपे यांनी महत्वाची माहिती दिली आहे.
त्यांनी म्हटले आहे की, सीरम आणि भारत बायोटेक या दोन कंपन्यांनी करोनावरील लसीसाठी केंद्र सरकारकडे परवानगी मागितली असून डिसेंबरअखेर ही परवानगी दिली गेल्यास जानेवारीपासून लसीकरणला सुरुवात होऊ शकते. लसीकरण तपशीलही कसा असू शकतो याबाबतही टोपे यांनी .
माहिती दिली आहे.
अशी असणार लसीकरणाची प्रक्रिया :
या प्रक्रियेसाठी तब्बल १८ हजार कर्मचाऱ्यांना प्रशिक्षण देण्यात येत असून तेही अंतिम टप्प्यात आहे. मतदानासाठी ज्या पद्धतीने बूथ उभारले जातात त्याच पद्धतीने लसीकरणासाठी बूथ उभारले जाणार आहेत.
तसेच ज्या व्यक्तीला लस द्यायची आहे त्याबाबतचा मेसेज पाठवला जाईल. तो मेसेज आल्यावर तुम्हाला संबंधित ठिकाणी ओळखपत्रासह जायचं आहे. त्यानंतर त्याला लस देण्यात येईल. लसीकरणानंतर अर्धा तास संबंधित व्यक्तीला तेथेच थांबवण्यात येणार आहे.